RAQAMLI JAMIYATDA IJTIMOIY TAFAKKURNING YANGI MODELI: IMKONIYATLAR VA MUAMMOLAR

Abstract

XXI asrda axborot-kommunikatsiya texnologiyalarining jadal rivojlanishi natijasida jamiyat hayotining barcha sohalarida tub o‘zgarishlar yuz bermoqda. Ayniqsa, raqamli texnologiyalar insonlarning fikrlash tarzi, dunyoqarashi va ijtimoiy munosabatlariga bevosita ta’sir ko‘rsatmoqda. Shu nuqtai nazardan, “raqamli jamiyat” tushunchasi nafaqat texnologik taraqqiyot, balki ijtimoiy tafakkurning yangi shaklini ham ifodalaydi. Ijtimoiy tafakkur — bu jamiyatdagi voqelikni anglash, baholash va unga nisbatan munosabat bildirish jarayonidir. Raqamli muhit esa ushbu jarayonni tezlashtiradi, kengaytiradi va ayrim hollarda murakkablashtiradi. Natijada ijtimoiy tafakkurning yangi modeli shakllanmoqda.