NEMIS VA O‘ZBEK TILLARIDA NORASMIY SHAXS NOMLARINING LINGVOMADANIY VA PRAGMATIK XUSUSIYATLARI

Abstract

Mazkur tezisda nemis va o‘zbek tillarida qo‘llaniladigan norasmiy shaxs nomlarining lingvistik, pragmatik hamda lingvomadaniy xususiyatlari qiyosiy jihatdan tahlil qilinadi. Norasmiy antroponimlar insonlar o‘rtasidagi kommunikativ munosabatlarni tartibga soluvchi, emotsional-ekspressiv ma’nolarni ifodalovchi va milliy madaniyatning muhim ko‘rsatkichlaridan biri sifatida namoyon bo‘luvchi til birliklari hisoblanadi. Tadqiqotda norasmiy nomlarning hosil bo‘lish usullari, semantik xususiyatlari, ijtimoiy-pragmatik vazifalari hamda milliy-madaniy o‘ziga xosliklari aniq misollar asosida yoritilgan. Shuningdek, nemis va o‘zbek tillarida norasmiy nomlash jarayonining o‘xshash va farqli jihatlari ilmiy manbalar asosida ochib berilgan.