O‘ZBEK-INGLIZ BILINGVIZMIDA FE’LLARNING IFODALANISHI

Abstract

Mazkur maqolada o‘zbek-ingliz bilingv bolalar nutqida fe’l so‘z turkumining morfologik xususiyatlari va zamon shakllarining qo‘llanishi S. Pinkerning “So‘zlar va qoidalar” nazariyasi asosida tahlil qilinadi. Tadqiqotda bilingv va monolingv bolalar ishtirokida o‘tkazilgan tajriba natijalari qiyosiy tahlil qilinib, fe’l shakllarini qo‘llashdagi interferensiya, kod almashish va grammatik xatolar aniqlangan. Natijalar bilingv bolalarda fe’l kategoriyasining yosh va lisoniy tajriba ortishi bilan rivojlanishini, biroq mazkur jarayon ikki til ta’sirida bir xil kechmasligini ko‘rsatadi.