MINTAQALAR MIQYOSIDA SANOAT TARKIBINI KENGAYTIRISH VA KORXONALAR RAQOBAT AFZALLIKLARINI RIVOJLANTIRISHNING METODOLOGIK YONDASHUVLARI

Abstract

Raqamli texnologiyalarning biznes jarayonlariga integratsiyalashuvi sanoat korxonalarida qiymat yaratish mexanizmlarini tubdan yangilamoqda. Raqamli platformalar, ma’lumotlar tahlili- data analytics va avtomatlashtirish vositalari marketing hamda logistika sohalarida resurslarni moslashtirish, ta’minot zanjirlarini muvofiqlashtirish va tranzaksiya xarajatlarini qisqartirish imkonini beradi. M.Porter raqobat ustunligining shakllanishida qiymat zanjiri bo‘g‘inlari o‘rtasidagi samarali uyg‘unlik va xarajatlarni optimallashtirish muhimligini ta’kidlagan bo‘lib, raqamli texnologiyalar aynan ushbu bo‘g‘inlarda tezkorlik va shaffoflikni kuchaytiradi.