KIMYONI OʻQITISH JARAYONINI TAKOMILLASHTIRISH: DOLZARB MUAMMOLAR VA YANGI YONDASHUVLAR

Abstract

Kimyo fani zamonaviy ta’lim tizimida muhim oʻrin tutadi. Fan va texnika taraqqiyoti sharoitida kimyo fanini oʻqitish jarayonini takomillashtirish davr talabiga aylandi. Kimyo nafaqat dars soatlarida oʻrganiladigan, balki turli hayotiy muammolarni hal etishda bevosita ishtirok etadigan, amaliy ahamiyatga ega boʻlgan fandir. Shu bois kimyo fanini sifati yuqori boʻlgan ta’lim asosida oʻqitish har bir oʻqituvchi va ilm ahli uchun dolzarb masalalardan biridir. Bugunning oʻquvchisi zamonaviy bilimlarni egallashga intilyapti. Ular uchun hayotga yaqin, amaliyotga yoʻnaltirilgan ta’lim metodlari, ilgʻor pedagogik texnologiyalar muhim ahamiyat kasb etmoqda.