BOLALARDA BRONXIAL ASTMANING TARQALISH DINAMIKASI VA XAVF OMILLARINI BAHOLASH

Abstract

Bronxial astma bolalar orasida eng ko‘p uchraydigan surunkali nafas yo‘llari kasalliklaridan biridir. Jahon sog‘liqni saqlash tashkiloti ma’lumotlariga ko‘ra, dunyo bo‘yicha millionlab bolalar ushbu kasallik bilan yashaydi va so‘nggi o‘n yilliklarda uning uchrash chastotasi sezilarli darajada oshgan. Ayniqsa, sanoati rivojlangan va urbanizatsiya darajasi yuqori bo‘lgan hududlarda bolalar o‘rtasida astma ko‘rsatkichlari yuqoriroq qayd etiladi. Bu holat atrof-muhitning ifloslanishi, turmush tarzining o‘zgarishi va allergenlar ta’sirining ortishi bilan bog‘liq deb hisoblanadi.