TEXNOLOGIYA BILAN BOYITILGAN TA’LIM MUHITIDA EFL O‘RGANUVCHILARINING PRAGMATIK KOMPETENSIYASI

Abstract

Ushbu maqola ingliz tilini chet tili sifatida (EFL) o‘rganuvchilarda pragmatik kompetensiyani rivojlantirishga oid yangi empirik tadqiqotlarni tahlil qiladi. Tadqiqot turli o‘qitish metodlarining samaradorligini hamda texnologiyalardan foydalanish orqali o‘quv muhitini boyitish imkoniyatlarini ko‘rib chiqadi. EFL o‘rganuvchilarning pragmatik kompetensiyasi turli ijtimoiy va madaniy kontekstlarda muvaffaqiyatli muloqotning muhim tarkibiy qismi hisoblanadi. Shuning uchun uni rivojlantirishda samarali pedagogik usullardan foydalanish zarur. O‘quvchilarga pragmatik jihatdan mos kontekstlarda tilni mashq qilish uchun ko‘plab imkoniyatlar berilishi lozim, ayniqsa real hayotdagi nutq aktlari – so‘rovlar, rad etishlar va maqtovlarga javob berish kabi vazifalar orqali. Tadqiqotda pragmatik kompetensiyani rivojlantirishga ta’sir qiluvchi asosiy pedagogik tendensiyalar tahlil qilinadi. Shuningdek, ochiq (explicit), induktiv, inputga asoslangan va flipped instruction metodlari hamda Computer-Assisted Language Learning (CALL) va Massively Multiplayer Online Role-Playing Games (MMORPGs) kabi texnologik vositalardan foydalanilgan tadqiqotlar birlashtirib ko‘rib chiqiladi.