ZAMONAVIY GASTRONOMIK GLOBALIZATSIYA SHAROITIDA OZBEK OSHXONASI VA PAZANDACHILIK SAN'ATI

Abstract

Zamonaviy global jarayonlar insoniyatning turmush madaniyatidan tortib iste’mol odatlarigacha bo‘lgan ko‘plab sohalarni tubdan o‘zgartirib bormoqda. Ushbu o‘zgarishlarning eng sezilarli ko‘rinishlaridan biri gastronomik globalizatsiyadir. Mazkur jarayon turli xalqlarning taom tayyorlash an’analari, ovqatlanish madaniyati, mahsulot tanlash mezonlari va oshpazlik merosi o‘rtasidagi aloqalarni jadallashtirib, mahalliy oshxonalar oldida yangi imkoniyatlar va muammolarni yuzaga keltirmoqda. O‘zbekiston oshxonasi ham ana shu jarayon markazida turibdi. Ko‘p ming yillik tarixga ega, Markaziy Osiyo sivilizatsiyasi bilan chambarchas bog‘liq o‘zbek oshxonasi bugungi globallashuv sharoitida o‘zining identitetini saqlagan holda, yangilanish va moslashish bosqichini boshdan kechirmoqda.