IQTISODIY SUD ISH YURITISHDA RAQAMLI TEXNOLOGIYALARNING HUQUQIY ASOSLARI VA ELEKTRON DALILLARNING PROTSESSUAL AHAMIYATI

Abstract

Axborot texnologiyalari va elektron tizimning rivojlanishi sud tizimiga yangi protsessual mexanizmlarni olib kirdi. Qator raqamli elementlarning joriy etilishi natijasida elektron murojaat, masofaviy ishtirok, elektron hujjat almashinuvi hamda elektron dalillar institutlari shakllandi. Bu holat esa protsessual qonunchilikning transformatsiyasiga ham olib kelmoqda. Masalaga iqtisodiy sudlar nuqtai nazaridan qaraydigan bo‘lsak, iqtisodiy nizolar tezkorlikni talab qilishi, dalillarning asosan elektron ko‘rinishga egaligi va tijorat munosabatlarining tobora raqamlashtirilib borayotganligi sud tizimining ham raqamlashtirish sharoitiga javob berishini talab qiladi.