TIJORAT BANKLARIDA OPERATSION RISKLARNI BOSHQARISH TIZIMINING XALQARO STANDARTLARI VA HUQUQIY MEXANIZMLARI

Abstract

Jahon moliya bozorlarida raqobatning kuchayishi, raqamli bank xizmatlarining keng joriy etilishi va moliyaviy operatsiyalar hajmining ortishi tijorat banklari faoliyatida operatsion risklarning ahamiyatini yanada oshirmoqda. Ayniqsa, axborot texnologiyalari bilan bog‘liq nosozliklar, kiberxavflar, inson omili, ichki nazorat tizimidagi kamchiliklar hamda tashqi favqulodda holatlar banklar faoliyati barqarorligiga salbiy ta’sir ko‘rsatishi mumkin. Shu sababli xalqaro bank amaliyotida operatsion risklarni samarali boshqarish masalasi bank tizimi barqarorligini ta’minlashning muhim yo‘nalishlaridan biri sifatida qaralmoqda.