TA’LIM SIFATINI NAZORAT QILISHDA RAQAMLI PLATFORMALARDAN FOYDALANISH

Abstract

Mazkur maqolada kasbiy ta’lim muassasalarida ta’lim sifatini nazorat qilish jarayonida raqamli platformalardan foydalanishning nazariy va amaliy jihatlari yoritilgan. Raqamli texnologiyalar, ta’limni boshqarish tizimlari (Learning Management System – LMS), elektron jurnal, masofaviy ta’lim platformalari hamda sun'iy intellekt asosidagi tahliliy vositalarning ta’lim sifatini monitoring qilishdagi o‘rni tahlil qilingan. Shuningdek, ta’lim jarayonini boshqarishda ma’lumotlarga asoslangan qarorlar qabul qilishning afzalliklari, o‘quv natijalarini baholashning zamonaviy usullari va pedagogik faoliyat samaradorligini oshirishga xizmat qiluvchi raqamli yechimlar ko‘rib chiqilgan. Tadqiqot natijalariga ko‘ra, raqamli platformalarni ta’lim sifatini nazorat qilish tizimiga keng joriy etish boshqaruv samaradorligini oshirishi, monitoring jarayonini avtomatlashtirishi hamda ta’lim sifati bo‘yicha tezkor va ishonchli tahliliy ma’lumotlarni shakllantirish imkonini berishi asoslangan.