EMIZIKLI AYOLLARNING OVQATLANISH STATUSI VA UNGA TA’SIR ETUVCHI DETERMINANT OMILLAR

Abstract

Emizikli ayollarning ovqatlanish statusi ona va bola salomatligini ta’minlashda muhim biologik va ijtimoiy omillardan biridir. Laktatsiya davrida ayol organizmining energiya va oziqa moddalarga bo‘lgan ehtiyoji ortadi. Mazkur maqolada turli mamlakatlarda o‘tkazilgan ilmiy tadqiqotlar asosida emizikli ayollarning ovqatlanish statusi hamda unga ta’sir etuvchi determinant omillar tahlil qilindi. Tahlil natijalariga ko‘ra, ovqatlanish yetishmovchiligi, diet xilma-xilligining pastligi hamda ayrim mikronutrientlar defitsiti emizikli ayollar orasida keng tarqalgan. Tadqiqotlar emizikli ayollarning ovqatlanish holati ko‘proq ijtimoiy-iqtisodiy omillar, ta’lim darajasi, oila hajmi va oziq-ovqat xavfsizligi bilan bog‘liqligini ko‘rsatadi. Ona ratsioni ona suti tarkibiga bevosita ta’sir ko‘rsatishi aniqlangan. Mazkur natijalar emizikli ayollarning ratsional ovqatlanishini ta’minlash bo‘yicha kompleks profilaktik chora-tadbirlarni ishlab chiqish zarurligini ko‘rsatadi.