OROL BO'YI HUDUDLARIDA BRONXIAL ASTMA KASALLIGINING TARQALISHI

Abstract

Bronxial astma — nafas yo'llarining surunkali allergik yallig'lanishi va bronxlarning giperreaktivligi asosida yuzaga keluvchi kasallik bo'lib, xirillash, yo'tal va nafas qisilishi kabi belgilar bilan tavsiflanadi. Orol dengizining qurib borishi — XX asrning eng yirik ekologik falokatlaridan biri — Orol bo'yi hududlarida, jumladan Xorazm viloyati va Qoraqalpog'iston Respublikasida ekologik vaziyatni keskin yomonlashtirdi. Qurib qolgan dengiz tubidan ko'tarilayotgan tuz, chang va zaharli kimyoviy moddalar bo'ronlari nafas yo'li kasalliklarining, xususan bronxial astmaning tarqalishiga kuchli zamin yaratmoqda. So'nggi o'n yilliklarda bu hududlarda nafas yo'li kasalliklari, bolalar o'rtasida esa bronxial astma bilan kasallanish sezilarli darajada oshib bormoqda.