YOSH QIZLARDA HAYZ SIKLI BUZILISHLARI BILAN BOG‘LIQ MUAMMOLAR
Keywords:
hayz sikli, gormon, estrogen, progesteron, stress, fiziologiya, psixologik holat.Abstract
Ushbu maqolada yosh qizlarda hayz siklining buzilishi bilan bog‘liq muammolar, ularning fiziologik, psixologik va ijtimoiy sabablari keng yoritilgan. Maqsad — o‘smirlik davrida gormonal o‘zgarishlar jarayonida paydo bo‘ladigan hayz sikli buzilishlarini o‘rganish va ularning oldini olish choralarini aniqlashdan iborat. Maqolada tibbiy, psixologik va pedagogik yondashuvlar uyg‘un holda tahlil qilinadi. Kuzatuv, tahlil, sotsiologik va statistik metodlardan foydalanilgan. Natijalar yosh qizlarda hayz sikli buzilishlari ko‘pincha stress, noto‘g‘ri ovqatlanish, endokrin tizimdagi o‘zgarishlar, jismoniy charchoq va psixologik bosim natijasida kelib chiqishini ko‘rsatdi. Xulosa sifatida yosh avlod salomatligini mustahkamlash, sog‘lom turmush tarzini targ‘ib qilish va psixologik barqarorlikni saqlash zarurligi ta’kidlanadi.
