MINTAQAVIY EKSPORTNI QO‘LLAB-QUVVATLASH INSTITUTSIONAL MODELINI TAKOMILLASHTIRISH (BUXORO VILOYATI MISOLIDA)

Abstract

Amaldagi eksportni qo‘llab-quvvatlash tizimi milliy darajada yaxlit shakllantirilgan bo‘lsa-da, uning hududiy bo‘g‘ini zaif rivojlangan. Eksportni rag‘batlantirish agentligi, «O‘zbekinvest» va eksportni qo‘llab-quvvatlash jamg‘armasi kabi institutlar asosan poytaxtda jamlangan; viloyat darajasida esa eksportyorlarga yaxlit, bir nuqtadan xizmat ko‘rsatuvchi tuzilma yo‘q. Natijada hududiy eksportyorlar moliyalashtirish, sug‘urta, sertifikatlash, marketing va konsalting xizmatlarini olish uchun turli idoralarga alohida murojaat qilishga majbur bo‘lib, bu vaqt va tranzaksion xarajatlarni oshiradi[1]. Muallif fikricha, bu muammoni hal qilish uchun viloyatda yaxlit «Hududiy eksportni qo‘llab-quvvatlash markazi»ni tashkil etish – barcha qo‘llab-quvvatlash funksiyalarini bir tashkiliy tuzilmada birlashtirish – maqsadga muvofiqdir.