DAVLAT-XUSUSIY SHERIKCHILIK VA KIBERXAVFSIZLIK SOHASIDAGI QONUNCHILIK TAHLILI

Abstract

Tezis O‘zbekistonda davlat-xususiy sheriklik (DXSh) va kiberxavfsizlik sohasidagi huquqiy asoslarni tahlil qiladi. “Kiberxavfsizlik to‘g‘risida”gi Qonun (2022) va “Davlat-xususiy sheriklik to‘g‘risida”gi Qonun (2019) asosida ikki soha o‘rtasidagi huquqiy bog‘lanishning yetishmasligi, xususiy sektor ishtiroki uchun aniq mexanizm va rag‘batlarning yo‘qligi asosiy muammo sifatida ko‘rsatiladi. Xalqaro tajribaga (Janubiy Koreya, Buyuk Britaniya, Qozog‘iston) asoslanib, quyidagi takliflar berilgan: kiberxavfsizlik bo‘yicha DXSh milliy konsepsiyasini qabul qilish; DXSh qonuniga maxsus bob kiritish; xususiy sheriklar uchun litsenziya, sertifikatlash va imtiyoz mexanizmlarini joriy etish. Raqamli xavfsizlikni mustahkamlash uchun davlat va xususiy sektor o‘rtasida huquqiy integratsiya zarur.