MAHALLA BOSHQARUV MEXANIZMLARINI RAQAMLI MENEJMENT ASOSIDA RIVOJLANTIRISHNING NAZARIY JIHATLAR

Abstract

Hozirgi globallashuv, raqamli transformatsiya va ijtimoiy-iqtisodiy islohotlar sharoitida jamiyatni barqaror rivojlantirishda mahalla instituti muhim bo‘g‘in sifatida namoyon bo‘lmoqda. Mahalla aholining kundalik ehtiyojlari, ijtimoiy himoyasi, bandligi, tadbirkorlik faolligi va fuqarolik faolligini ta’minlovchi quyi boshqaruv bo‘g‘ini hisoblanadi. Shu sababli mahalla boshqaruv tizimining ijtimoiy-iqtisodiy mohiyatini chuqur o‘rganish, uni zamonaviy menejment yondashuvlari asosida takomillashtirish bugungi kunning dolzarb ilmiy-amaliy vazifalaridan biridir. Mahalla boshqaruvida samarali menejment mexanizmlarini shakllantirish jamiyat taraqqiyoti, ijtimoiy barqarorlik va aholining farovonligini oshirishga bevosita xizmat qiladi. Ayniqsa, innovatsion va raqamli boshqaruv texnologiyalarining joriy etilishi mahalla faoliyatining ochiqligi, tezkorligi va natijadorligini oshirish imkonini beradi.