INFORMATIKA O‘QITUVCHILARINI TAYYORLASHDA RAQAMLI TEXNOLOGIYALAR INTEGRATSIYASI

Abstract

Ushbu maqolada zamonaviy ta’lim sharoitida bo‘lajak informatika o‘qituvchilarini tayyorlash jarayoniga raqamli texnologiyalarni integratsiya qilishning dolzarb masalalari tadqiq etiladi. Tadqiqotda o‘qitishning an’anaviy shakllaridan raqamli va gibrid formatlarga o‘tish mexanizmlari, shuningdek, sun’iy intellekt, bulutli texnologiyalar va interaktiv ta’lim platformalarining o‘quv jarayonidagi o‘rni tahlil qilingan. Maqolada bo‘lajak o‘qituvchilarning nafaqat texnik ko‘nikmalarini, balki raqamli pedagogik kompetensiyasini rivojlantirish bo‘yicha metodik tavsiyalar ilgari suriladi. Olingan natijalar pedagogika oliy ta’lim muassasalari o‘quv dasturlarini takomillashtirishda amaliy ahamiyat kasb etadi.