APELLATSIYA VA KASSATSIYA INSTANSIYALARIDA SUD QARORLARINI QAYTA KO‘RISHNING HUQUQIY ASOSLARI

Abstract

Mazkur maqolada apellatsiya va kassatsiya instansiyalarida sud qarorlarini qayta ko‘rish institutining huquqiy asoslari, mazmun-mohiyati hamda odil sudlovni ta’minlashdagi o‘rni ilmiy-huquqiy nuqtai nazardan tahlil qilingan. Sud qarorlarining qonuniyligi, asoslanganligi va adolatliligini tekshirishda apellatsiya hamda kassatsiya instansiyalarining vakolatlari, ularning o‘ziga xos xususiyatlari, protsessual tartiblari va amaliy ahamiyati yoritilgan. Shuningdek, O‘zbekiston Respublikasida amalga oshirilayotgan sud-huquq islohotlari natijasida mazkur institutlarning takomillashuvi, fuqarolarning sud himoyasiga bo‘lgan konstitutsiyaviy huquqlarini ta’minlashdagi roli ham tahlil etilgan. Maqolada milliy qonunchilik normalari hamda xalqaro huquqiy standartlar asosida sud qarorlarini qayta ko‘rish mexanizmlarining afzalliklari va mavjud muammolari yuzasidan ilmiy xulosalar bayon qilingan.