O‘ZBEK SHE’RIYATIDA ONA OBRAZI – SOG‘INCH IFODASI SIFATIDA

Abstract

Maqolada o‘zbek she’riyatida ona obrazining sog‘inch motivini ifodalashdagi badiiy-estetik imkoniyatlari tadqiq etiladi. Ona timsolining lirik qahramon ruhiyati, ayriliq iztirobi, xotira, milliy o‘zlik va ma’naviy qadriyatlar bilan uzviy bog‘liqligi zamonaviy adabiyotshunoslik nuqtayi nazaridan tahlil qilinadi. Tadqiqotda qiyosiy-tipologik, poetik hamda interpretatsion tahlil metodlaridan foydalanilib, Zulfiya, Usmon Azim, Rauf Parfi va Xurshid Davron she’riyati misolida ona obrazining metaforik, ramziy va psixologik talqinlari yoritiladi. Tadqiqot natijalari ona obrazi o‘zbek she’riyatida shaxsiy kechinmalarning ifodasi bilangina cheklanmay, milliy xotira va umuminsoniy qadriyatlarning badiiy ifodasiga aylanganini ko‘rsatadi.