OLIY TA’LIM INFORMATIKA KURSLARIDA GAMIFIKATSIYALASHGAN RAQAMLI TA’LIM MUHITINI YARATISH METODIKASI

Abstract

Raqamli texnologiyalarning jadal rivojlanishi oliy ta’lim tizimida ta’lim jarayonini tashkil etishning yangi yondashuvlarini talab etmoqda. Ayniqsa, informatika kurslari mazmunan raqamli muhit bilan chambarchas bog‘liq bo‘lib, ularni o‘qitishda zamonaviy ta’lim texnologiyalaridan foydalanish muhim ahamiyat kasb etadi. An’anaviy o‘qitish usullari talabalarni yetarli darajada faollashtira olmasligi, ularning o‘quv jarayoniga bo‘lgan qiziqishi pasayishiga olib kelishi mumkin. Shu nuqtai nazardan, gamifikatsiyalashgan raqamli ta’lim muhitini yaratish informatika kurslarini samarali o‘qitishning dolzarb masalalaridan biri hisoblanadi.