YOSHLAR-YANGI O’ZBEKISTON VA UCHINCHI RENASANS BUNYODKORLARI

Abstract

IX–XII asrlarda mintaqamizda yuz bergan Birinchi Sharq Uyg‘onish davrida ham, butun dunyoda “Temuriylar davri Renessansi” deya e’tirof etilgan XIV–XVI asrlardagi Ikkinchi Sharq Uyg‘o­nish davrida ham jamiyatda e’tiqod mustahkam, insonlar dunyoqarashida ma’naviyat ustuvor, davlatchilik tuzumida ma’naviyat va ma’rifat yetakchi bo‘lgan.E’tibor bersak, har ikkala Uyg‘onish davrida ham eng muhim jihat — davlatning e’tibori, mamlakat boshqaruvida olib borilgan odilona va oqilona siyosat, ta’lim-tarbiya ustuvor bo‘lgan. Har ikki Renessans davrida davlat rahbarlari, olim-u fuzalolar, birinchi navbatda, yoshlar ta’lim-tarbiyasi, ma’naviyati, imon-e’tiqodi masalasiga alohida e’tibor qaratgan. Bugun biz ana shunday qutlug‘ bir davrda, dunyoga yangi O‘zbekiston nomi bilan tanilayotgan muqaddas zaminda Uchinchi Renessansga poydevor qo‘yiladigan zamonda yashamoqdamiz.