AHOLI BANDLIGI VA TURMUSH DARAJASINING O‘ZARO TA’SIRINI STATISTIK BAHOLASH

Abstract

Mazkur maqolada aholi bandligi va turmush darajasi o‘rtasidagi o‘zaro bog‘liqlik statistik usullar yordamida baholangan. Tadqiqotning asosiy maqsadi O‘zbekiston Respublikasida bandlik darajasining aholi turmush darajasiga ta’sirini aniqlash va ushbu bog‘liqlikning iqtisodiy mazmunini ochib berishdan iborat. Tadqiqotda O‘zbekiston Respublikasi Statistika agentligi ma’lumotlari, uy xo‘jaliklari tanlanma kuzatuvlari natijalari hamda xalqaro ilmiy manbalardan foydalanildi. Tahlil jarayonida bandlik darajasi, real daromadlar, ish haqi va kambag‘allik ko‘rsatkichlari o‘rtasidagi bog‘liqlik korrelyatsion va regressiya usullari yordamida baholandi. Tadqiqot natijalari bandlik darajasining oshishi aholi real daromadlari va turmush darajasining yaxshilanishiga ijobiy ta’sir ko‘rsatishini tasdiqlaydi. Shuningdek, sifatli bandlikning inson kapitali rivojlanishi va farovonlik darajasini oshirishdagi o‘rni asoslab berilgan.