SUGʻURTA TASHKILOTLARI MOLIYAVIY BARQARORLIGINI BELGILOVCHI MEZONLAR VA ULARGA TA’SIR ETUVCHI OMILLAR

Abstract

Sug‘urta kompaniyalari moliyaviy barqarorligini ta’minlash va baholashda kapital yetarliligi, likvidlik darajasi, sug‘urta zaxiralarining shakllanishi, qayta sug‘urta mexanizmlaridan foydalanish samaradorligi va investitsiya faoliyati kabi mezonlar asosiy o‘rin tutadi. Shu bilan birga, moliyaviy barqarorlik tashqi va ichki iqtisodiy omillar ta’sirida o‘zgarib borishi mumkin. Jahon moliyaviy bozorlaridagi o‘zgarishlar, makroiqtisodiy tendensiyalar, inflyatsiya darajasi, sug‘urta talab va taklifi, raqobat muhiti kabi tashqi omillar sug‘urta kompaniyalarining barqarorligiga sezilarli ta’sir ko‘rsatadi. Shu bilan birga, kompaniyaning menejment strategiyasi, sug‘urta portfelining diversifikatsiya darajasi, risklarni boshqarish mexanizmlari kabi ichki omillar ham sug‘urta kompaniyalarining moliyaviy barqarorligida hal qiluvchi ahamiyatga ega.