O‘ZBEKISTONDA ICHKI MIGRATSIYA: SABABLAR VA ASOSIY OMILLAR

Abstract

Ichki migratsiya — aholining mamlakat ichida bir hududdan ikkinchi hududga, ayniqsa qishloq joylardan shahar markazlariga ko‘chib o‘tish jarayoni — O‘zbekiston ijtimoiy-iqtisodiy taraqqiyotining muhim tarkibiy qismidir. So‘nggi yillarda mamlakatda ichki migratsiya jarayonlari sezilarli darajada faollashdi. O‘zbekiston Respublikasi Prezidenti huzuridagi Statistika agentligi (O‘zStat) ma‘lumotlariga ko‘ra, 2022-yilda mamlakat hududida ro‘yxatga olingan ichki migratsiya soni 214 821 nafarni tashkil etgan bo'lib, bu 2018-yilga nisbatan 34,1 foizga ko‘pdir [1]. Ushbu ko‘rsatkichning oshib borishi ichki migratsiya sabablari va asosiy omillarini ilmiy jihatdan chuqur tahlil qilish zaruriyatini keltirib chiqaradi.