AKNE KASALLIGINING SHAXSLARARO MUNOSABATLARGA TA’SIRINING NAZARIY TAHLILI

Abstract

Ushbu tezisda akne kasalligining shaxslararo munosabatlarga ta’siri nazariy jihatdan tahlil qilinadi. Tadqiqotning asosiy maqsadi — aknening shaxsning psixologik holati, o‘z-o‘zini baholashi va ijtimoiy muloqot jarayonlariga ta’sirini ilmiy-nazariy yondashuvlar asosida ochib berishdan iborat. Tezisda tashqi ko‘rinish psixologiyasi, kognitiv-behavioral yondashuv hamda shaxslararo munosabatlar nazariyalari asosiy nazariy yo‘nalishlar sifatida ko‘rib chiqiladi. Nazariy tahlil natijalariga ko‘ra, akne kasalligi shaxsda ijtimoiy ishonchsizlik, muloqotdan chekinish va ijtimoiy moslashuvning pasayishiga olib kelishi mumkinligi asoslanadi. Tadqiqot xulosalari akne muammosiga kompleks — tibbiy va psixologik yondashuv zarurligini ko‘rsatadi.